Студопедия  
Главная страница | Контакты | Случайная страница

АвтомобилиАстрономияБиологияГеографияДом и садДругие языкиДругоеИнформатика
ИсторияКультураЛитератураЛогикаМатематикаМедицинаМеталлургияМеханика
ОбразованиеОхрана трудаПедагогикаПолитикаПравоПсихологияРелигияРиторика
СоциологияСпортСтроительствоТехнологияТуризмФизикаФилософияФинансы
ХимияЧерчениеЭкологияЭкономикаЭлектроника

ХЪУЫДЫЙАГ

А дунейыл ницы ис лæвар,

Уый хъуыдыйаг алкæддæр у махæн...

Де знагæй нæ кæныс кæд хæлар,

Гъеуæддæр ызнаг хæларæй ма кæн.

1989 азы 27 февраль

ХЪАЗГÆЙÆ ÆМÆ ÆЦÆГÆЙ

Дыууæ удæй иуы фылдæр хонынц барджын,

Цыфæнды хъуыддаджы дæр уымæ у каст...

Куы фæзæгъынц хъазгæ дæ былтæ: «Нæ уарзын...»,

Æцæг уæд дæ зæрдæ дзуапп ратгы: «Нæу раст».

1989 азы 28 февраль

ФЫД-ЗÆРДÆТÆ ÆМÆ ФЫД-ДЗЫХТÆ

Чидæр кæйдæр хъыгæй рæзы,

Ссары кæйдæр зыны тых...

Иуæн йæ зæрдæ нæ бæззы,

Иннæмæн цауд у йæ дзых.

1989 азы 3 мартъи

ÆРЫГОНÆЙ ЗÆРОВДМÆ

Ис алкæмæн уалдзæг, зæры бон,

Йæ амонд у алкæмæн конд...

Куыннæуал уыдзынæн æрыгон,

Нæма дæн æз афтæ зæронд.

1989 азы 12 мартъи

ЗÆХХЫ ТÆРИГЪÆД

Бирæ хъуыддæгтæй æнæхай

Сом фæуыдзыстæм, бæллæх!

Мах кæд ницы дарæм зæххæй,

Уæд цы дары махæй зæхх?!

1989 азы 12 мартъи

СЫРДÆЙ ТÆССАГДÆР

Тагор Рабиндранаты мотив

Чи фæцахуыр давын къуыртт,

Уый нæ читт кæны дзырдæй...

Адæймаг куы свæййы сырд,

Уæд тæссагдæр у сырдæй.

1989 азы 15 мартъи

ÆФХÆРД

Цы къуыппыл бадыс, уый бæрзонддæр хон,

Кæннод ныллæг æрхаудзæни дæ кад...

Куыдзы бæлæгъæй чи баназы дон,

Куыдзы къахæй дæр уый æрцæуы над.

1989 азы 22 мартъи

ДЫЗÆРДЫГ

Цы лæг рацæуы адæмы рæгъмæ,

Уымæн-иу бузныг æнæмæнг зæгъ...

Нæ зонын, уалдзæг æрцæуы зæхмæ,

Æви æрцæуы уалдзæгмæ зæхх.

1989 азы 23 мартьи

ÆНАХУЫР ÆЦÆГДЗИНАД

Фæкæны нæ алкæйы низ

Кæцыдæр рæстæгмæ фынæй...

Фыссæгæн чъынды уæвæн ис?

Чъындыйæн фыссæг уæвæн нæй?

1989 азы 23 мартъи

МÆНАУ ÆМÆ ДÆУАУ

Кæд уыгæрдæны иунæг хатт дæр хос

Ныккарстай, уæд дæ лæгдзинадыл бафтыд...

Куыннæ фæдæ мæнау ды иуæн хорз,

Дæуау æвзæр нæ фæдæн иуæн афтæ.

1989 азы 23 мартъи

ДÆ МÆТ ÆМÆ МÆ САГЪÆС

Нæй уыцы зæххонæн æнусмæ мæлæт,

Кæмæн ис фæрнæйдзаг фæдонтæ...

Дæ рæстæг цы фæкæнай — ууыл дæ мæт,

Мæ сагъæс — кæм ыссарон бонтæ.

1989 азы 27 мартъи

МÆГУЫР БОНЫ МÆГУЫР ÆХСÆВ

«У амонд амондыл ныхæст», —

Дзырдтой-иу, зонын æй æз дæр...

«Мæгуыр дæ бон!» — зæгъын, æрмæст

Æмбар: нæу де ’хсæв дæр хуыздæр.

1989 азы 28 мартъи

ЗНАГ ÆМÆ ÆРДХОРД

Кæд разындысты къорайæгтæ къорд,

Уæддæр Цымыти фондзæй уыд сæ фаг...

Ызнаг кæмæн нæй, уымæн нæй æрдхорд,

Æрдхорд кæмæн нæй, уымæн нæй ызнаг.

1989 азы 31 мартъи

ХЪÆЛДЗÆГ САУДАРÆГ

Куыннæ хæссон æз уымæ фау,

Кæмæн у сусæнау цыппурс?

Кæуылдæр чи фæдары сау,

Нæ вæййы уый мидбылхудт урс.

1989 азы 13 апрель

ÆХХОРМАГ ÆМÆ ÆФСÆСТ

Фехъуыстон: «Æвæстаджы зыд цæст

У æнæфсис, бакуырм вæййы хурмæ...»

Иу вæййы æххормагæй æфсæст,

Иннæ та æфсæстæй дæр — æххормаг.

1989 азы 13 май

АХУЫРГÆНДЖЫТÆ

Æцæг адæймаг бахауæд зынты —

Уæддæр йæ цыт æнæвнæлд у зæдау...

Чъынды рæдауæй аразы чъынды,

Рæдау чъындыйæ аразы рæдау.

1989 азы 13–14 апрель

ХÆЛÆГГАГ

Блажен, кто с молоду был молод...




Дата добавления: 2015-09-11; просмотров: 18 | Поможем написать вашу работу | Нарушение авторских прав

УАДЫВДЗ | ИВДДЗАГ | ЦАРДЫ МОНЦ | НОГ ДИССАГ | АМОНДДЖЫН | БАЗОН-БАЗОН | РАГОН ХЪУЫДЫ | ЦЪУППЫДЗАГ | МУЛКДЖЫН | ТЫХЫ ТЫХ |


lektsii.net - Лекции.Нет - 2014-2024 год. (0.007 сек.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав