Читайте также:
|
КАЗТҰТЫНУОДАҒЫ
ҚАРАҒАНДЫ ЭКОНОМИКАЛЫҚ УНИВЕРСИТЕТІ
Экономикалық қатынастарды құқықтық реттеу кафедрасы
СӨЖ (СОӨЖ) БОЙЫНША ӘДІСТЕМЕЛІК НҰСҚАМАЛАР МЕН ТАПСЫРМАЛАР.
Пәні: «Интеллектуалдық меншік құқығы»
5В030100 «Заңтану» мамандығы бойынша студенттерге арналған
Бизнес және құқық факультеті
АРАҒАНДЫ – 2014ж.
Нұсқаманы экономикалық қатынастарды құқықтық реттеу кафедрасының ағ оқытушысы Шошаева Л.С. құрастырған.
Экономикалық қатынастарды құқықтық реттеу кафедрасының оқу-әдістемелік семинарының отырысында қарастырылған.
Хаттама № 11
«26» маусым 2014 ж.
ЭҚҚР кафедрасының меңгерушісі
з.ғ.к., профессор Н.Р. Весельская
КІРІСПЕ
Студенттердің өздік жұмысы – бұл оқытушының жетекшілігімен жүргізілетін, білім алу процестері ағымының үлкен белсенділігімен сипатталатын, аудиторлық және аудиторлықтан тыс уақытта өткізіле алатын және оқу процесінің тиімділігін арттыру және студенттерді өздерінің білімдерін өз беттерімен толықтыру құралы болып табылатын студенттердің оқу қызметінің ерекше түрі.
Оқудың кредиттік жүйесі жағдайында студенттердің өздік жұмысы (СӨЖ) бекітілген графикке сәйкес оқытушының қатысуымен аудиторлық уақытты және тапсырмалардың ұсынылған тізіміне сәйкес оқытушының қатысуынсыз аудиторлықтан тыс уақытты қамтиды.
Интеллектуалдық меншік құқығы» пәні бойынша СӨЖ және СОӨЖ түрлерінің тізімі мен мазмұны
1. Жүгірте оқу (Skit) – берілген материалды «Оқу бағдарламасына (Syllabus)» сәйкес оқып шығу.
2. Тақырып бойынша шолуды дайындау (Review) —баспа беттерінен және Интернеттің ақпараттық қорынан қосымша материалды тартумен ұсынылған тақырып бойынша 1-2 бетте қысқаша әдеби шолуды жазбаша дайындау.
3. Глоссарий дайындау — латын тілінен қазақ тіліне терминдерді қысқаша түсіндіру.
4. Нақты оқу жағдайлары — студенттерге көптеген жеңіл және күрделі жағдайлар ұсынылады, олар бойынша сұрақтарға жауап беру немесе проблеманы өзі қалай түсінетіндігін жазып беру керек; неғұрлым жақсы дайындалған студенттер өз кейсін дайындауға құқылы..
5. Топтық жоба — топта 4-5 адамнан артық болмауы керек, әрбір топ өз жобасын дайындау керек; мысалы, студенттік конференцияға баяндама.
6. Дербес жоба — неғұрлым белсенді студенттер өз еріктері бойынша дайындайды; жұмыс бірегейлігімен, тақырыптың өзектілігімен, зерттеу сипатымен ерекшеленуі тиіс; жобаның нәтижелері студенттік конференцияға шығарылуы мүмкін.
7. Эссе — бір нәрсе туралы алдын ала немесе жалпы көзқарас туғызатын прозалық кескін, публицистика және өзге де жанрлар. Эссе дайындау студенттердің бойларына келесі дағдыларды сіңдіреді: басқа авторлардың еңбектерін сынай білуді, өз жұмыстарында қолдана білуді, өз жұмыстарына түзетулерді енгізуді, ғылыми жұмыстың жобасын дайындауды үйретеді. Эссенің негізгі мақсаты ретінде студенттің автор ойын тыңдаушыларға жеткізу емес, өз ойын көрсете білу, өзінің жеке позициясын қорғай білу болып табылады.
СОӨЖ нысандары мен мазмұны:
1. Студентке үй тапсырмасын орындауға көмектесу:
- тізім бойынша таңдалып алынған немесе оқытушы көрсеткен тжақырып бойынша рефератты, баяндаманы тексеру, оны жазуға көмектесу;
- «Интеллектуалдық меншік құқығы» пәні бойынша құрылымдық-логикалық схемаларды дайындауда көмек;
- Интеллектуалдық меншік құқығының негізгі институттарының проблемалары бойынша шолуларды дайындауда көмек;
- глоссарий дайындауда көмек.
2. Студенттер дайындаған материалдарды талқылау және тексеру:
- тақырып бойынша дайындалған глоссарийдің мәтіндерін тексеру;
- үлгерімі жақсы студенттер дайындаған тақырып бойынша әдеби шолумен таныстыру;
- студенттердің тақырыптар бойынша баяндамаларды жариялауға қалай дайындалып жатқандығын тексеру.
3. Дәрістер конспектілерін, үй тапсырмаларының дайындалуын тексеру.
4. Студенттер білімін тексеру.
5. Орындалған тапсырмалар бойынша бағалар қою.
6. Сабақ өткізіп алған және үлгеірімі нашар студенттер үшін дербес консультациялар өткізу.
Дата добавления: 2015-04-12; просмотров: 149 | Поможем написать вашу работу | Нарушение авторских прав |