Дне́сь благове́рнии лю́дие све́тло пра́зднуем,/ осеня́еми Твои́м, Богома́ти, прише́ствием,/ и к Твоему́ взира́юще пречи́стому о́бразу, уми́льно глаго́лем:/ покры́й на́с честны́м твои́м покро́вом,/ и изба́ви на́с от вся́каго зла́,/ моля́щи Сы́на твоего́ Христа́ Бо́га на́шего,// спасти́ ду́ши на́ша.
Кондак, гл. 3, подобен Дева днесь….
Де́ва дне́сь предстои́т в це́ркви,/ и с ли́ки свя́ты́х неви́димо за ны́ мо́лится Бо́гу:/ а́нгели со архиере́и покланя́ются,/ апо́столи же со проро́ки ликовству́ют:// на́с бо ра́ди мо́лит Богоро́дица Преве́чнаго Бо́га.
Величание.
Величаем/ величаем Тя,/ Пресвятая Дево,/ и чтим Покров Твой честный,/ Тя бо виде святый Андрей на воздусе,// за ны Христу молящуюся.
ВЕЛИКАЯ ВЕЧЕРНЯ
Блажен муж: 1-й антифон. На Господи, воззвах: стихиры на 8, глас 1:
Слава, и ныне, гл. 8:
Сра́дуются с на́ми у́мная вся́ чинонача́лия,/ духо́вно совоку́пльше чу́вственный ли́к,/ ви́дяще Ца́ри́цу и Влады́чицу все́х,/ многоиме́нне ве́рными сла́виму:/ ра́дуются же и ду́си пра́ведных,/ су́щии зри́телие виде́ния,/ на возду́се моле́бно простира́ющу всечестне́и свои́ ру́це,/ прося́щу умире́ния ми́ру// и спасе́ния ду́ш на́ших.
Лития, стихира храма, гл. 3:
Наста́ дне́сь пресве́тлый пра́здник Пречи́стая Де́во,/ честна́го Твоего́ Покро́ва./ Па́че со́лнца освеща́еши лю́ди,/ ве́рою от чи́ста се́рдца Тебе́ и́стинную Ма́терь Бо́жию испове́дающия,/ и Сы́ну Твоему́ вопию́щия:/ Христе́ Бо́же, моли́твами Присноде́вы,/ чи́сто и без истле́ния ро́ждшия Тя́,/ не преда́ждь враго́м ра́тующим твое́ достоя́ние,// но я́ко Ми́лостив спаси́ в ми́ре ду́ши на́ша.
Гла́с 4:
Хвале́ние Тебе́ е́же по достоя́нию/ лю́дие Сы́на твоего́ пречи́стая Влады́чице, жела́юще воспе́ти,/ но не возмо́гут. всегда́ бо все́х ве́рных заступа́еши,/ и покрыва́еши честны́м Твои́м Покро́вом,/ и мо́лишися спасти́ся все́м,// ве́рою Тебе́ Чи́стую и и́стинную Богоро́дицу почита́ющим.
Гла́с 2:
Пренепоро́чную все́х Ца́ри́цу Пречи́стую Де́ву,/ соше́дшеся ве́рнии дне́сь ублажи́м Ма́терь Христа́ Бо́га:/ при́сно бо к Сы́ну ру́це ми́лостивно простира́ет./ Ю́же и преди́вный Андре́й ви́де на возду́се,/ честны́м Свои́м покро́вом лю́ди покрыва́ющую,/ и То́й уми́льно возопии́м:/ ра́дуйся, покро́ве и заступле́ние,// и спасе́ние душа́м на́шим.
Сла́ва, и ны́не, гла́с то́йже:
Смы́сл очи́стивше и у́м,/ со а́нгелы и мы́ торжеству́ем,/ све́тло начина́юще Дави́дскую пе́снь,/ Отрокови́це, Неве́сте все́х Ца́ря́ Христа́ Бо́га на́шего,/ воскресни́ Го́споди, глаго́люще, в поко́й Тво́й, Ты́, и киво́т свя́ты́ни Твоея́:/ я́ко бо пала́ту красну́ сию́ украси́в,/ и причте́ Ю́ гра́ду твоему́ Влады́ко,/ стро́ити и покрыва́ти от сопоста́тных пога́н держа́вною си́лою Твое́ю,// моли́твами Ея́.
УТРЕНЯ
Прокимен, глас 4:
Помяну́ и́мя твое́/ во вся́ком ро́де и ро́де.
По Евангелии:
Слава:/ Молитвами Богородицы/ Ми́лостиве, очи́сти// мно́жество согреше́ний на́ших.
И ныне:/ Молитвами Богородицы/ Ми́лостиве, очи́сти// мно́жество согреше́ний на́ших.
Помилуй мя Б о же…
По 50-м псалме стихира, глас 6:
Сра́дуются с на́ми у́мная вся́ чинонача́лия,/ духо́вно совоку́пльше чу́вственный ли́к,/ ви́дяще Ца́ри́цу и Влады́чицу все́х,/ многоиме́нне ве́рными сла́виму./ Ра́дуются же и ду́си пра́ведных,/ су́щии зри́телие виде́ния,/ на возду́се моле́бно простира́ющу всечестне́и свои́ ру́це,/ прося́щу умире́ния ми́ру// и спасе́ния ду́ш на́ших.
Кано́н Богоро́дицы гл. 4 (Отверзу уста моя):
На хвалитех стихиры на 4, глас 8: Слава, и ныне, гл. 6:
Я́ко ви́де Тя́ пречу́дный Андре́й на возду́се,/ со Арха́нгельским мно́жеством,/ со апо́столы и проро́ки, и мно́жеством му́чеников,/ Сы́ну Твоему́ и Бо́гу на́шему о гра́де и лю́дех моля́щуюся, Влады́чице,/ и Честны́м Твои́м Покро́вом покрыва́ющую:/ не оскуде́й и ны́не, Пречи́стая,/ спасти́ изря́дное достоя́ние Твоего́ Сы́на,// пречестны́й пра́здник Тво́й пра́зднующее, Многопе́тая.
НА ЛИТУРГИИ
Прокимен, глас 3:
Дата добавления: 2015-09-10; просмотров: 142 | Поможем написать вашу работу | Нарушение авторских прав |
| <== предыдущая лекция | | | следующая лекция ==> |
| Венчание | | | Над Россией |