Главная страница | Контакты | Случайная страница Автомобили Астрономия Биология География Дом и сад Другие языки Другое Информатика История Культура Литература Логика Математика Медицина Металлургия Механика Образование Охрана труда Педагогика Политика Право Психология Религия Риторика Социология Спорт Строительство Технология Туризм Физика Философия Финансы Химия Черчение Экология Экономика Электроника

Кестенің есептеулері бойынша тұжырымдама

Есептеп, тұжырымдама жасау керек:

1) Тәуелсіздік коэффициентін (А қосымшаны қараңыз). Бұл коэффициент кәсіпорынның қарыз қаражаттарынан қаншалықты тәуелсіз екендігін және меншік қаражаттарын оңтайландыру қабілетін анықтайды.

2) Авансталған капиталдың құрамындағы қарыздың үлесін сипаттайтын тәуелділік коэффициентін (А қосымшаны қараңыз),

3) Меншік капиталдың тартылған капиталға қатынасымен сипатталатын қаржыландыру коэффициентін (А қосымшаны қараңыз)

4) Тартылған капиталдың меншік капиталға қатынасын білдіретін қарыз қаражатардың меншік қаражаттарына қатынасы коэфициентін (А қосымшаны қараңыз)

5) Қаржылық тұрақтылық коэффициентін (А қосымшаны қараңыз), немесе, оны, инвестицияларды жабу коэффициенті деп атайды.

6) Ұзақ мерзімді міндеттемелердің, меншік капиталы мен ұзақ мерзімді міндеттемелер қосындысына қатынасымен анықталатын қарыз қаражаттарды ұзақ мерзімге тарту коэфициентін (А қосымшаны қараңыз),

Тапсырма №3. Баланстың өтімділігін талдау. Қаржылық тұрақтылығын талдамай кәсіпорынның қаржылық жағдайын бағалау толық емес болып табылады. Кәсіпорынның балансының өтімділігін талдау арқылы активтердің жағдайы мен пассивтердің жағдайы салыстырылады. Бұл өз кезегінде кәсіпорынның өз қарыздарын жабу деңгейін бағалауға мүмкіндік береді.

Өтімділік деңгейіне байланысты, яғни ақша қаражатына айналу жылдамдығына байланысты, кәсіпорын активтері келесідей топтарға бөлінеді:

1. Өтімді активтер = Ақша қаражаттары + қысқа мерзімді қаржылық салымдар

2. Тез өтімді активтер = қысқа мерзімді дебиторлық берешектер+басқа да қысқа мерзімді активтер;

3. Жәй өтімді активтер = Қорлар−Болашақтағы шығындар+ҚҚС+Ұзақ мерзімді қаржылық салымдар+Ұзақ мерзімді дебиторлық берешектер;

4. Өтімділігі төмен активтер= «Ұзақ мерзімді активтер» бөлімінің жиыны –Ұзақ мерзімді қаржылық салымдар.

3-кесте. Кәсіпорынның пассивтерінің төлену мерзімінің деңгейі бойынша және баланс активтерінің өтімділік деңгейі бойынша топтамалары

Баланс пассивтері оларды төлеу мерзімінің деңгейіне байланысты топтарға бөлінеді:

1. Ең жедел міндеттемелер = Кредиторлық берешектер+Басқа да қысқа мерзімді міндеттемелер;

2. Қысқа мерзімді пассивтер=Қысқа мерзімді займдар, несиелер («Қысқа мерзімді міндеттемелер» бөлімінен);

3. Ұзақ мерзімді пассивтер= «Ұзақ мерзімді міндеттемелер» бөлімінің жиыны;

4. Тұрақты пассивтер= «Капитал» бөлімінің жиыны−Болашақтағы шығындар (1-ші бөлімнен «Қысқа мерзімді активтер»+ «Болашақтағы табыстар» (3-ші «Қысқа мерзімді міндеттемелер» бөлімінен)

Баланстың өтімділігін анықтау үшін активтер мен пассивтердің келтірілген топтарын салыстыру керек.

Баланс толық өтімді болып табылады, егер келесідей шарттар орындалса:

● Өтімділігі жоғары активтер ≥ Ең өтімді міндеттемелер;

· Тез өтімді активтер > Қысқа мерзімді пассивтер;

· Жәй өтімді активтер > Ұзақ мерзімді пассивтер;

· Өтімділігі төмен активтер < Тұрақты пассивтер.

Егер кейбір теңсіздіктер келтірілген шектеулермен сәйкес келмесе, онда баланс өтімділігінің абсолюттік деңгейден айырмашылығы жоғары деңгейде екенін көрсетеді. Бір топтамадағы қаражаттардың жетіспеушілігінен (артықшы-лығынан) екінші топтамадағы өтімділігі төмен активтер басқа топтамадағы өтімді активтерді алмастыра алмайды және керісінше. Өйткені ең жедел міндеттемелер өтімділігі төменірек активтер есебінен жабыла алмайды.