Читайте также:
|
Бағалау саясаты турашылдық, ашықтық, икемділік қағидаларына негізделген. Кредиттік технологиямен оқытуды ұйымдастыруда оқушылардың оқу жетістіктерін бағалауда балдық-рейтингтік жүйе пайдаланады.
Пән 100 -балдық өлшемде бағаланады.
Қорытынды бағалауды есептеу әдісі.
Менеджмент пәнінің оқу жетістігінің деңгейі емтиханға жіберілу деңгейінің бағасынан құралған (ағымдағы және аралық бақылау бағаларының балдарының орташа қосындысы) қорытынды бағамен және қорытынды бақылаудың (емтихан) бағасымен анықталады.
Емтиханға жіберу рейтингі (ЖР), 1-Рейтинг пен 2-Рейтинг қорытынды бағаларының 60 балдан (ұпайдан) кем болмауы керек.
Емтиханға жіберу рейтингі (ЖР) төмендегідей есептеледі:
(1-рейтинг + 2-рейтинг): 2 (орташаарифметикалық мәні)
1-Рейтинг (2-рейтинг те) ағымдағы бақылауларда алған бағалардың жиынтығын, бағалар санына бөліп, аралық бақылаудың бағасына қосып, қосындыны екіге бөлу арқылы анықталады.
Мысалы:
Семестрдің алғашқы 7 аптасында пән бойынша 7 тапсырманы орындау қарастырылады,осы бойынша студент 100 балдан әр тапсырма үшін келесі бағаларды алды: 70, 86, 65, 59, 91, 76, 56. Ағымдағы бақылаудың (Аб) орташа бағасы алынған балдардың орташаарифметкалық мәні бойынша анықталады: (70+86+65+59+91+76+56):7(баға саны)=72. (1Аб).
1 аралық бақылауда (АБ) бұл студент 100 балдан 65 балл алды.
1 Рейтинг былай анықталады: 1Р= (1Аб+1АБ):2, яғни (72+65):2=69.
Семестрдің келесі 8 аптасында бұл пән бойынша 6 тапсырма орындау қарастырылған, осыған сәйкес студент 52, 35, 96, 63, 45, 87 балл алды. Ағымдағы бақылаудың орташа бағасы: (52+35+96+63+45+87):6=63. (2Аб). 2 аралық бақылауда 100 балдан 83 балл алды.
2-Рейтинг = (2Аб + 2АБ): 2 құрайды, яғни (63+83):2=73.
ЖР=(69+73):2=71 балды құрады.
Қорытынды бақылау ҚБ (емтихан) 100 балдық өлшемде бағаланады. Емтиханның нәтижесі кемінде 50 балл жинағанда ғана(ең жоғары өлшем 100 балл), қорытынды баға есептеуге жіберіледі.
Мысалы, студент емтиханда (қорытынды бақылау ҚБ) -65 балл алды делік. Бұл жағдайда қорытынды бағасы 71(ЖР)х0,6+65(ҚБ)х0,4=68, әріптік жүйеде бағасы С-ға, дәстүрлі жүйеде «қанағаттанарлық», сандық баламада 2,08-ге сәйкес келеді. Егер студент емтиханда 50 балдан кем жинаса, қорытынды баға шығарылмайдыда пәннен академиялық қарызы болып қалады.
Себепсіз дәрістен (лекция) қалу тапсырған тапсырманың бағасын 15 балға, практикалық және зертханалық сабақтардан қалу тапсырған тапсырмалардың бағасын 20 балға төмендетеді.
Белгілі себептермен сабаққа қатыспаған жағдайда қайталап өту қарастырылады.
Пәннің қорытынды бағасы балмен төмендегі кестеге сәйкес сандық баламасымен, әріптік және дәстүрлік жүйемен көрсетіледі.
| Балмен қорытынды баға (ҚБ) | Балдардың сандық баламасы (С) | Әріптік жүйемен бағалау (Ә) | Дәстүрлі жүйемен бағалау (Д) | |
| 95-100 | А | Өте жақсы | ||
| 90-94 | 3,76 | А- | ||
| 85-89 | 3,33 | В+ | Жақсы | |
| 80-84 | 3,0 | В | ||
| 75-79 | 2,67 | В- | ||
| 70-74 | 2,33 | С+ | Орташа (Қанағаттанарлық) | |
| 65-69 | 2,0 | С | ||
| 60-64 | 1,67 | С- | ||
| 55-59 | 1,33 | D+ | ||
| 50-54 | 1,0 | D | ||
| 0-49 | F | Қанағаттанарлықсыз |
Дата добавления: 2014-11-24; просмотров: 175 | Поможем написать вашу работу | Нарушение авторских прав |