Читайте также:
|
Қазақстанда қазіргі уақытта қолданылып жүрген әлеуметтік қамсыздандыру жүйесі мемлекеттің басым қатысуымен сипатталады. Зейнеткелерді, мүгедектерді, асыраушысынан айырылған адамдарды және халықтық өзге де санаттарын әлеуметтік қамсыздандыру мемлекеттік бюджеттің есебінен жүзеге асырылады.
Бүгінде әлеуметтік қамсыздандырумен 3,5 млн. артық адам (немесе барлық халықтың 23,6%) қамтылған. 2004 жылы әлеуметтік қамсыздандыруға арналған шығыстар (жоспар) 1999 жылмен салыстырғанда 1,5 еседен астамға көбейді.
Бұл халықтың табысының едәуір көбеюіне мүмкіндік берді, оны мынадай индикаторлардың өсуінен көруге болады. 1999 жыл мен 2004 жыл аралығында:
а) жалақының ең төменгі мөлшері 2,5 есеге (2605 теңгеден 6600 теңгеге дейін);
б) зейнетақының мөлшері1,9 есеге (3000 теңгеден 5800 теңгеге дейін);
в) орташа жалақы-шамамен 2 есеге (11864 теңгеден 26048 теңгеге дейін);
г) зейнетақының орташа мөлшері 2 есеге (4104 теңгеден 8529 теңгеге дейін);
д) ең төменгі күнкөріс деңгейі 1,5 есеге (3394 теңгеден 5394 теңгеге дейін);
е) мемлекеттік әлеуметтік жәрдемақылардың орташа мөлшері 1,3 есеге (3394 теңгеден 5394 теңгеге дейін) өсті.
Маңызды әлеуметтік игіліктердің жалпыға бірдей қол жетімділігін және қоғамдық жағынан қолайлы сапасын қамтамасыз ету мақсатында реформалау барысында мемлекеттік ең төменгі әлеуметтік стандарттар: ең төмен күнкөріс деңгейі, жалақы мен зейнетақының ең төменгі мөлшері, еңбек жағдайларының стандарттары мен еңбекақы төлеу, әлеуметтік қызметтерді ұсыну нормативтері және т.б. белгіленді және қазіргі уақытта пайдаланылып жүр.
АӘК-ті алушылардың саны: 2002 жыл-178266 адам, 2003 жылы-133170 адам, 2004 жылы-164593 адам: күресудегі бағдарламалардың орындалу барысында 2003 жылы АӘК-ті алушылардың саны азайғанын айтуға болады. Ал 2002 жылы алушылардың санының артуының себебі, алушылардың құрамына жасы жетпеген балалардың кіру және басқа да азаматтық белгілері, ҚР «Мемлекеттік атаулы әлеуметтік көмек» Заңының 2004 жылдың қаңтарынан бастап күшіне енуіне байланысты.
АӘК төлемдерінің сомасы: 2002 жылы- 830,7 млн.тењге, 2003 жылы- 706,5 млн.тењге, 2004 жылы- 1241,1 млн.тењге. Осыған орай бір адамға шаққанда АӘК- ң орташа көлемі 2000-2001 жылдары айына 725 және 735 теңгені құраған. 2004 жылы АӘК көлемі орта есеппен 692 теңгеге дейін төмендеді, жоғарыда аталған АӘК заңына сәйкес, отбасының жиынтық табысынан кедейшілік шегіне дейінгі төлемдер көрінеді. Барлығын қосқанда АӘК көлемі орта есеппен 692 теңгеге дейін төленді. Барлығын қосқанда, АӘК көлемі айына бір адамға 2004 жылы орта есеппен 1 мың теңгеге дейін артты да, 3,4 мың теңгені құрады, жаңа тәртіпке сәйкес, тек қана балаларға ғана емес, барлық отбасы мүшелеріне көрсетіледі.
Кейс сұрақтары:
1. Халықты әлеуметтік қорғаудың мәні және оның мақсаты.
2. Күнкөрістің төмен деңгейі және кедейшілік шегі қалай анықталады.
3. Кедейшілік шегін төмендету жолдарын атаңыз.
4. Тұрғын үй бағдарламасының әлеуметтік салаға әсері.
5. Әлеуметтік қамсыздандыруға республикалық бюджет есебінен бөліну мен оның алатын үлесі қандай?
Дата добавления: 2015-09-10; просмотров: 25 | Поможем написать вашу работу | Нарушение авторских прав |